கோலி VS ரூட்|பயமுறுத்தும் மான்செஸ்டர் மழையும், இதுவரை வெற்றியில்லா வரலாறும்… தொடரை வெல்லுமா இந்தியா? | india vs england manchester fifth test preview

Spread the love

கண்ணாடி அரண்!

தோட்டாக்களைத் தெறிக்க விடும், பீரங்கிகளாக, இங்கிலாந்தின் பௌலிங் லைன் அப் இருந்தாலும், அவர்களது பேட்டிங் வரிசை, கண்ணாடிக் கோட்டையாக, நிலையற்றதாக, ரூட்டைத் தாண்டி எதுவுமே இல்லை எனுமளவே இருக்கிறது. பர்ன்ஸ், போப், வோக்ஸ் என யாரோ ஒருவர், ஏதோ ஒரு போட்டியில் சிறப்பாக விளையாடுகிறார்களே தவிர, அணியை ரூட்டோடு சேர்ந்து, எல்லாச் சமயமும் தூக்கிச் சுமக்க யாரும் இல்லை. பட்லர் மறுபடியும் இணைந்திருப்பது பலம்தான் என்றாலும், மற்ற வீரர்களது செயல்பாடும் மிக அவசியம். பென் ஸ்டோக்ஸை நிரம்பவே தேடித் தவிக்கிறது அவர்களது பேட்டிங் படையின் லைன் அப்.

உட் உள்ளே, ஓவர்டன் வெளியே!

காயம் காரணமாக ஓவர்டனுக்கு பதிலாக, உட் சேர்க்கப்படலாம் என்ற தகவல்கள் வெளியாகி உள்ளன. அப்படி இருப்பின், தனது வேகத்தாலும், ஷார்ட் பால்களாலும், மார்க் உட் மிரட்டலாம். பட்லருக்கு இடத்தைத் தந்து, பேர்ஸ்டோ விலக்கி வைக்கப்பட வாய்ப்புகள் உள்ளன.

மழை மனம் இறங்காமல், கொட்டித் தீர்த்து, போட்டி டிராவில் முடிவடைந்தாலும், 2/1 என இந்தியா தொடரைக் கைப்பற்றும்தான். எனினும், டிராவுக்காக ஆடுவது, தற்போதைய இந்திய அணியின், கேம் பிளானில் காண முடியாத அம்சம்!

லார்ட்ஸ் மற்றும் ஓவலில் காட்டிய அதே உத்வேகத்தை இந்தியா, மான்செஸ்டரிலும் காட்டினால், இரண்டு டெஸ்ட் போட்டி வெற்றிகளை, இங்கிலாந்தில் ஒரே தொடரில் கண்டதில்லை என்பதை மாற்றி எழுதியதையும் தாண்டிச் சாதிக்கலாம். மூன்று வெற்றி என்பது, இந்தியாவின் ஓவர்சீஸ் தொடர்களுக்கான சாதனைக் கதைக்கான முன்னுரையாக இருக்கும். எனினும், லார்ட்ஸ் தோல்விக்கு எப்படி இங்கிலாந்து சேர்த்து வைத்துத் திரும்பி பதிலடி கொடுத்தது என்பதும் நினைவில் நிழலாடுவதால், போட்டி சுவாரஸ்யப் பாதையிலேயே நகரும்.

கோவிட் டெஸ்ட் நெகட்டிவ் என இந்தியாவுக்குச் சாதகமாகத் தொடங்கும் டெஸ்ட், இந்தியாவுக்குப் பாசிட்டிவாக முடிகிறதா என காத்திருந்து காண்போம்.

Thank you

Leave a Reply

Your email address will not be published. Required fields are marked *

%d bloggers like this: